كتبت هذه الابيات ايام الشاتات الكتابية .. اتمنى ان تحوز على رضاكم
ضاع عمري بين شات وبين روم = صرنا نهرج هرجً بليا كلام
نضحك انقول اننا نطرد هموم = نكذب انقول اننا بعشق وغرام
والصراحه مالنا فيهم لزوم = لا بهند ولا ببسمه ولا سهام
من يحسب العمر دايم ما يدوم = يا حرام العمرِ ضايع يا حرام
اكتب الليله على ضو النجوم = قصةً كلها ضلامً في ضلام
من عرفت الشات والدنيا تحوم = احسب اني معتلي صدر الوسام
نايمً حظي عجز والله يقوم = ليت حظي ليلةً بالعمر قام
والمصيبه مدمنن يومً بيوم = شايف النكات والله بالمنام
والمسنجر مثل ثعبان السموم = يلدغ بصوته وشوف الموت كام
ترسل النبره كما رمي السهوم = تحرق اجواف الخلايق بالسهام
هذي بنتً شايله نص الهدوم = ما نقول الا على الدنيا السلام
تفتن اللي مالهم حيله وعزوم = ينجرف لا شاف برقع او لثام
والمصيبه كلها كتلت شحوم = والشحم مزحوم من فوق العظام
لـ درى ابوها يصير فيها علوم = جلطةً مع نص موته يا سلام
ولا غيره خايفً غيره يلوم = يعلن الرايه لبنته بنهزام
يمكن انها في بحر حبه تعوم = يصبًر النفس الرديه بنكتام
ياللي تدخل شات بجمعكم عموم = ويش سوينا بعد شهر الصيام
لرسم شيطان مخك لك رسوم = اذكراللي ما عمر عينه تنام
{ بقلمي }
ضاع عمري بين شات وبين روم
النمط الخطي
